سەید حەكیم سەردانی ڕێكخراوی ئەلئەمەلی نوێخواز دەكات و گرنگی سەرپەرشتی خاوەن پێداویستی تایبەت دووپات دەكاتەوە
لەمیانەی سەردانەكەی بۆ پارێزگای موسەننا بەڕێز سەماحەتی سەید حەكیم سەرۆكی هاوپەیمانی هێزە نیشتمانییەكانی دەولەت سەردانی ڕێكخراوی ئەلئەمەلی نوێخوازی كرد كە سەرپەرشتی خەڵكانی خاوەن پێداویستی تایبەت دەكات.
بەڕێزیان دڵخۆشییەکی قووڵی خۆی بە دیداری ئەم چینە گرنگەی کۆمەڵگا دەربڕی، و پیرۆزبایی هاتنی جەژنی غەدیری بەختەوەری لێکردن، هەروەها جەختی لەوە کردەوە کە کەمئەندامی ڕاستەقینە لە دەروون و ڕەفتار و شکستی دەروونیدایە نەک لە كەمكوڕییەكی جەستەیی، ئاماژەی بەوەشدا کە ئەمە نوێنەرایەتی تاقیکردنەوەیەکی ئیلاهی دەکات و ڕوونیکردەوە کە ئەم جیهانە شوێنی تاقیکردنەوەیە..
بەڕێزیان دووپاتی کردەوە کە ئەم توێژەی کۆمەڵگە خاوەنی وزە و توانایەکن کە هەندێکجار وایان لێدەکات بەرهەمدارتر بن لە زۆرێک لە تاکەکانی ساغ وتەندروست، بەڕێزیان خەمخۆری شەخسی خۆی بۆیان دەربڕی كە ئەو هاوڕێی ئەوانە، بەو پێیەی سپۆنسەری چەندین کۆنفرانس و بەرنامەی کردووە، و کاریشی کردووە بۆ زامنکردنی مافەکانیان و تێکەڵکردنیان لەگەڵ کۆمەڵگەدا.
.
لەكۆتاییدا سەید حەكیم جەختی لەسەر پێویستی گرنگیدان و پشتگیریکردنی خاوەن پێداویستییە تایبەتەکان كرد و گوتیشی كە هەوڵ دەدات کە ژیانێکی شایستە مسۆگەر بۆیان دابین بكات، هەروەها ئامۆژگاریی کردن بەوەی کە هەست بە لاوازی و ناڕەزایی نەکەن، بەڵکو سوپاسی خودای گەورە بکەن بۆ ئەم تاقیکردنەوە و وەبەرهێنان لەو بەهرانەی کە خودا پێی بەخشیون...
